زێلێنسکی بەڕێوەچوونی هەڵبژاردن لە وڵاتەکەی دەبەستێتەوە بە کۆتاییهاتنی جەنگ لەگەڵ ڕووسیا

ئاڤا نیوز

 

ڤلۆدیمێر زێلێنسکی، سەرۆکی ئۆکرانیا ئامادەیی وڵاتەکەی بۆ ئەنجامدانی هەڵبژردانی سەرۆکایەتیی بە کۆتاییهاتنی جەنگ لەگەڵ ڕووسیا دەبەستێتەوە.

 

لێدوانی فەرمی: ڤۆلۆدیمیر زێلێنسکی، سەرۆکی ئۆکرانیا ڕایگەیاند، دوای واژۆکردنی ڕێککەوتنێک بۆ کۆتاییهێنان بە لەشکرکێشیی ڕووسیا، بە زووترین کات هەڵبژاردنی سەرۆکایەتیی وڵاتەکەی ئەنجام دەدات.

 

بە گوتەی زێلێنسکی خاڵێک لە دوایین بەڵگەنامەی ئاشتیدا هاتووە کە پێویستە ئۆکرانیا بە زووترین کات هەڵبژاردن ئەنجام بدات.

 

زانیاریی زیاتر: لە هەفتەی ڕابردووە لە شاری میامی لە ویلایەتی فلۆریدا ئەمریکا لەگەڵ ئۆکرانیا و ڕووسیا کۆبووەتەوە و تاوتوێی پلانی ئاشتیان کردووە و بە ئامانجی ڕاگرتنی شەڕی نێوانیان کە لە چوارەم ساڵی نزیک دەبێتەوە.