قایمقامی موسڵ لە دەوام بە جەڵتە گیانی لەدەست دا

ئاڤا نیوز

ئەمڕۆ چوارشەممە. خەیری حەمێدان، قایمەقامی موسڵ بە وەکالەت، کە هاوکات ڕاوێژکاری پارێزگاری موسڵ بۆ کاروباری پلاندانان بوو، دوای ئەوەی لەکاتی دەوامی فەرمی تووشی جەڵتەی دڵ بوو گیانی لەدەست دا.

 

زانیاریی بەدەستهاتوو: حەمێدان سەرلەبەیانیی ئەمڕۆ لەناو باڵەخانەی قایمقامیەتی قەزاکە لە موسڵ لە کاتی ڕاپەڕاندنی ئەرکەکانی، تووشی جەڵتەی دڵ بوو.

 

زانیاریی زیاتر: ناوبراو دەستبەجێ گەیێندراوەتە نەخۆشخانەی تایبەتی شارەکە لە نزیک باڵەخانەی قایمقامیەت، پزیشکان هەوڵیان داوە ژیانی ڕزگاری بکەن بەڵام زۆری نەبرد و دواجار  کۆچی دوایی کرد.