لە سعودیە بۆ یەکەمجار فرۆشگایەکی خواردنەوە کحولییەکان دەکرێتەوە

ئاڤا دیجیتاڵ

 

لە ڕیازی پایتەختی سعودیە، ئامادەکاری بۆ کردنەوەی یەکەم فرۆشگای خواردنەوە کحولییەکان دەکرێت، بەڵام رێگا بە هەموو کەسێک نادرێت سەردانی فرۆشگاکە بکات و خواردنەوەی کحولی بکڕێت. 

 

لێدوانی فەرمی: لە سعودیە ئامادەکاری بۆ کردنەوەی یەکەم فرۆشگای خواردنەوە کحولییەکان لە ریازی پایتەخت دەکرێت، فرۆشگاکە تایبەت دەبێت بە سیاسییە بیانییەکان و، پەیڕەوانی ئایینی ئیسلام ناتوانن سەردانی بکەن. ئاژانسی رۆیتەرز وا دەڵێت. 

 

ئەوەی پێویستە بیزانیت: سەردانیکەران لەڕێگەی ئەپێکەوە خۆیان تۆمار دەکەن و کۆدێکی تایبەت بە خۆیان دەبێت کە لەلایەن وەزارەتی دەرەوەی سعودیەوە تۆمار دەکرێت، ئەو کەسانەی تۆمار دەکرێن، مانگانە بڕێکی دیاریکراویان بۆ خواردنەوەی جۆرە جیاوازەکانی شەراب و کحول هەیە.

 

زانیاریی زیاتر: شوێنی فرۆشگا کحولییەکە دەکەوێتە گەڕەکی زیاد بۆ دیپلۆماتکاران. لەو گەڕەکە باڵەخانەی باڵیۆزخانەکان هەن و شوێنی نیشتەجێبوونی سیاسییەکانە، لە کاتی چوونەژوورە پشکنینی ناسنامە بۆ کەسەکان دەکرێت و رێگا بە پەیڕەوانی ئایینی ئیسلام نادرێت بچنە ژوورەوە.