ئاڤای خەڵک؛ دانیشتووانی گوندی تۆپزاوەی ئەحمەدی داوادەکەن شەقامەکانیان بۆ قیرتاو بکرێت

ئاڤا نیوز

 

دانیشتووانی گوندی تۆپزاوەی ئەحمەدی، لە ڕێگای ئاڤاوە داوادەکەن شەقامەکانیان بۆ قیرتاو بکرێت و دەڵێن ساڵی ڕابردوو تیمێک هاتن بۆئەوەی کۆڵانەکان قیرتاو بکەن، بەڵام ئەوەی هەبوو تێکیاندا.

 

چیرۆکی سەرەکی: ساڵانە هەر کە باران دەبارێت، کۆڵانەکانی گوندی تۆپزاوەی ئەحمەدی دەبن بە یەک پارچە قوڕ و چڵپاو، دانیشتوانی گوندەکە نزیکەی شەش هەزار ماڵە و ئێستا بووەتە گەڕەکێک لە هەولێر.

 

لێدوانی فەرمی: کارزان عەبدولهادی، سەرۆکی شارەوانیی هەولێر، بە ئاڤای ڕاگەیاند: "لە چوار ساڵی ڕابردوو دەیان پڕۆژەمان بۆ تۆپزاوەی ئەحمەدی جێبەجێکردووە، لەوانە دانانی تۆڕی ئاوی خواردنەوە، ڕاستکردنی شەقامەکان و چەندین کارێکی دیکە." سەرۆکی شارەوانیی هەولێر دەشڵێت: "قیرتاوکردنی کۆڵانەکانی ئەو گوندە، لە ساڵی ڕابردووەوە، دەرخستەمان کردووە، شەش ملیار دیناری پێویستە، بەڵام تا ئێستا وەڵامی نەگەڕاوەتەوە."

 

لەلایەکی دیکەوە: تارا عەبدولغەنی، سەرۆکی شارەوانی پێنجی هەولێر، بە ئاڤا میدیای وت: "ئێستا لە سنووری شارەوانی پێنج، هیچ بەلێندەرێک کار ناکات، چونکە ماوەی ساڵێک و چوار مانگە  لەبەر نەبوونی بودجە سەرجەم پرۆژەکان وەستاون، پارێزگای هەولێر بە ناچاری ئەم بڕیارەی داوە.

 

زانیاریی زیاتر: ئاڤا، لەگەڵ سەرۆکی شارەوانیی هەولێر قسەی کرد بۆ چارەسەری ئەوە کێشەیە، سەرۆکی شارەوانیی هەولێر، دەڵێت: "لە بودجەی ئەمساڵ کاری لە پێشینەیمان بۆ ئەو پڕۆژانەیە کە وەستاون، بۆ ئەو ناوچانەشە کە بەهۆی نەبوونی بودجەوە کارەکانیان وەستاون."