ڕۆژانە 100 تۆن شووشە لە هەولێر کۆدەکرێتەوە

ئاڤا نیوز

 

تیمەکانی شارەوانیی هەولێر ڕۆژانە 100 تۆن شووشە لە پاشماوەی ماڵان و شوێنە بازرگانییەکان کۆ دەکەنەوە و لە شوێنی تایبەت فڕێی دەدەن.

 

لێدوانی فەرمی: ژیار جەلال، بەڕێوەبەری خزمەتگوزاری و ژینگەپارێزیی هەولێر، بە ئاڤای ڕاگەیاند: شووشە وەکو هەموو پاشماوەکانی دیکە ڕۆژانە هەڵدەگیرێتەوە، بەڵام ئەو شوێنانەی تایبەتن بە کاری شووشە، پێویست دەکات ئامێری تایبەتیان بۆ بنێرین؛ بۆیە تەنیا ڕۆژانی سێشەممانمان بۆ داناون بۆ هەڵگرتنەوەی پاشماوەی شووشەکانیان.

 

زانیاریی زیاتر: بەپێی ئامارەکان، لە ساڵی 2025دا پاشماوەی شووشە نزیکەی 5%ـی کۆی پاشماوەی زبڵی هەولێری پێکهێناوە، کە ڕۆژانە دەگاتە نزیکەی 100 تۆن، ئەو ڕێژەیە هەموو شوێنەکان دەگرێتەوە، لەوانە: شووشەی پاشماوەی ماڵان و شوێنە بازرگانییەکان.