عێراق سەرکردەکانی داعش دەگوازێتەوە بەغدا

ئاڤا نیوز

عێراق دەستی کردووە بە گواستنەوەی سەرکردە دیارەکانی داعش لە سووریاوە بۆ زیندانێکی تایبەت لە نزیک فڕۆکەخانەی بەغدا.

ڕاگەیێنراوی فەرمی: ئەنجوومەنی باڵای دادوەریی عێراق جەختی کردەوە: "ڕێکارە یاساییەکان بەرامبەر هەموو ئەو کەسانە دەگیرێنە بەر کە ڕادەستی دامەزراوە چاکسازییە پسپۆڕەکان دەکرێن و پڕۆسەکە لە داعشە عێراقییەکانەوە دەستپێدەکات".

زانیاریی زیاتر: پڕۆسەی جیاکردنەوەی ناوی زیندانییەکان لەلایەن دەسەڵاتدارانی عێراقەوە دەستیپێکردووە و بڕیارە سەرکردە دیارەکان لەو زیندانە جێگیر بکرێن کە پێشتر لەلایەن هێزەکانی ئەمریکاوە بۆ مەبەستی ئەمنیی بەکارهێنراوە.

٠ زۆرینەی ئەو کەسانەی دەگوازرێنەوە ڕەگەزنامەی عێراقییان هەیە، بەڵام ژمارەیەکی بەرچاو چەکداری وڵاتانی عەرەبیی و ئەوروپیی وەک بەریتانیا، بەلجیکا، فەڕەنسا، ئەڵمانیا و سوێدییان تێدایە.