هاتووچۆی هەولێر سزای بەهەڵە تۆمارکراوی سەر شۆفێران لادەبات

ئاڤا نیوز

بەڕێوەبەرایەتیی هاتووچۆی هەولێر بڕیاری دا سزایەکی دارایی کە بە هەڵە لەسەر ئۆتۆمبێلێکی هاووڵاتییەک تۆمارکرابوو لای ببات و بیخاتە سەر سەرپێچیکارە ڕاستەقینەکە. دڵنیایش دەدات بە شۆفێران لەوبارەیەوە.

چیرۆکی سەرەکی: دوای بەدواداچوون بۆ سکاڵای هاووڵاتییەک، بەڕێوەبەرایەتیی هاتووچۆی هەولێر دەرکەوتنی هەڵەیەک لە تۆمارکردنی سزادا ڕادەگەیەنێت و بڕیاری لادانی سزاکەی دەرکرد.

لێدوانی فەرمی: بەڕێوەبەرایەتیی هاتووچۆی هەولێر ڕایگەیاند:دوای وردبینی بۆ بەڵگەکان و کامێراکانی چاودێری، دەرکەوت سزاکە بە هەڵە بۆ ئەو ئۆتۆمبێلە چووە، بۆیە بڕیاردرا ڕۆژی یەکشەممە 8-2-2026 سزاکە لەسەر ئەو ئۆتۆمبێلە لاببرێت؛ هاووڵاتیان دڵنیا دەکەینەوە کە هەموو سکاڵایەک بە گرنگییەوە وەردەگرین و ڕێگە نادەین هیچ کەسێک بەبێ ئەنجامدانی سەرپێچی سزا بدرێت.

زانیاریی زیاتر: بەڕێوەبەرایەتیی هاتووچۆی هەولێر، ڕایگەیاند: دوای ئەوەی هاووڵاتییەک کە خاوەنی ئۆتۆمبێلێکی ژمارە (22A2606)ـە، سکاڵای تۆمارکردووە سەبارەت بە گەیشتنی سزایەکی دارایی لە هاتوچۆی شەقڵاوەوە بۆی، بە فەرمانی بەڕێوەبەری هاتووچۆی هەولێر دەستبەجێ وردبینی بۆ بەڵگەکان و کامێراکانی چاودێری کرا.

ئەمەش بزانە: لە ئەنجامی بەدواداچوونەکاندا دەرکەوتووە کە سزاکە بە هەڵە بۆ ئەو ئۆتۆمبێلە چووە، بۆیە بڕیاردرا ڕۆژی یەکشەممە 8-2-2026 سزاکە لەسەر ئەو ئۆتۆمبێلە لاببرێت و بخرێتە سەر ئەو ئۆتۆمبێلەی کە سەرپێچییە ڕاستەقینەکەی ئەنجامداوە.