ئاسایشی ناوخۆی ڕۆژئاوا: پێویستە هاووڵاتیان پابەندی قەدەغەی هاتووچۆ بن

ئاڤا نیوز

ئاسایشی ناوخۆی ڕۆژئاوا داوا لە هاووڵاتیان دەکات پابەندی قەدەغەی هاتووچۆ بن، هاوکات لەگەڵ جێگیربوونی هێزە ئەمنییەکانی دیمەشق لە ناوچەکەدا.

ڕاگەیێنراوی فەرمی: هێزەکانی ئاسایشی ناوخۆ لە ئاگادارییەکدا ڕایانگەیاند: پابەندبوون بە قەدەغەی هاتووچۆی ڕاگەیێنراو پێویستە، کە لە کاتژمێر 06:00ـی ئێوارە تا 06:00ـی بەیانی بەردەوام دەبێت. ئەم ڕێوشوێنانە لە پێناو بەرژەوەندیی سەلامەتیی گشتی و پاراستنی ئاسایش و سەقامگیریی هاووڵاتیاندایە.

زانیاریی زیاتر: لە چوارچێوەی ڕێککەوتنی مێژوویی نێوان هەسەدە و حکومەتی سووریا، یەکەم کاروانی هێزەکانی ئاسایشی ناوخۆی دیمەشق گەیشتوونەتە ناو شارە کوردییەکان و جێگیر کراون. بۆ ئەوەی پڕۆسەکە بەبێ کێشە بەڕێوەبچێت، قەدەغەی گشتیی هاتووچۆ لە تەواوی شارەکانی دەڤەری جەزیرە ڕاگەیێنراوە.

ئەمەش بزانە: هێزە ئەمنییەکان دەیانەوێت لە ڕێگەی ئەم قەدەغەیەوە هەموو لایەک دووربن لە هەر ئەگەرێکی ڕووبەڕووبوونەوەی سەربازی یان دروستبوونی بۆشایی ئەمنی لەم قۆناغەدا.