خۆشەویستی پێشووی ئێپستین: هەموو شتێک ئاشکرا دەکەم ئەگەر ترەمپ لێبووردنم بۆ دەربکات

ئاڤا نیوز

هاوکارە نزیکەکەی جێفری ئێپستین ئامادەیە هەموو شتێک ئاشكرا بکات، بەڵام بە مەرجێک ترەمپ لێبووردەنی بۆ دەربکات.

چیرۆکی سەرەکی: گلاین ماکسوێل، هاوکار و خۆشەویستی پێشووی جێفرسی ئێپستین، ئامادەیی خۆی نیشان دا  هەموو "ڕاستییەکان'' دەربارەی تۆڕی بازرگانیی سێکسی و کەسایەتییە دەستڕۆیشتووەکان ئاشکرا بکات، بەو مەرجەی لەلایەن دۆناڵد ترەمپەوە لێبوردەیی بۆ دەربچێت.

ئەوەی پێویستە بیزانیت: ماکسوێل، بەرەبەیانیی ئەمڕۆ لە لایەن لیژنەی چاودێریی کۆنگرێسی ئەمریکاوە لێکۆڵینەوەی لەگەڵ ئەنجامدرا و کۆمەڵێک پرسیاری ئاڕاستە کرا، بەڵام ماکسوێل بە پشت بەستن بە هەمواری پێنجەمی دەستووری ئەمریکا، وەڵامی هیچ پرسیارێکی نەدایەوە و مافی بێدەنگبوونی هەڵبژارد.

زانیاریی زیاتر: دوای کۆتایی هاتنی پرسارەکانی ئەندامانی لیژنەکە، ماکسوێل پێی ڕاگەیاندن ئامادەیە هەموو ڕاستییەک لەسەر دۆسییەی ئێپستین ئاشکرا بکات، بەڵام بەو مەرجەی ترەمپ لێبوردنی بۆ دەربکات.

ئەمەش بزانە: ماکسوێل، تەنیا کەسە لەسەر ئەم دۆسییە جیهانییە سزادراوە و سزاکەیشی 20 ساڵ زیندانییە، ئێستاش دەیەوێت لە ڕێگەی ئاشکراکردنی ''لیستی ناوەکان'' ژیانی خۆی ڕزگار بکات.