لە شەقڵاوە منداڵێک بەهۆی تەقینی بوتلێکی سپرا گیانی لەدەست دا

ئاڤا نیوز

منداڵێکی تەمەن سێ ساڵان لە شەقڵاوە بەهۆی تەقینی بوتلێکی سپرا گیانی دەسووتێت، هەرچەندە دەگەیێنرێتە نەخۆشخانەی شەقڵاوە، بەڵام بەهۆی زۆری ڕێژەی سووتانەکەی گیانلەدەست دەدات.

لێدوانی فەرمی: محەممەد شێخ حەسەن، بەڕێوەبەری کارگێڕیی نەخۆشخانەی شەقڵاوە بە ئاڤا میدیای ڕاگەیاند: نزیک کاتژمێر 10:00ی بەیانی ئەمڕۆ سێشەممە 10-2-2026 حاڵەتێکی سووتان گەیێنرایە نەخۆشخانەی شەقڵاوە. دەشڵێت: "منداڵەکە ناوی ڕاهێن ڕێدوارە، تەمەنی ساڵ سێ بووە و خەڵکی گوندی مامە جلکەی قەزای شەقڵاوەیە.

بەڕێوەبەری کارگێڕیی نەخۆشخانەی شەقڵاوە، دەشڵێت: "بەهۆی کردنەوەی ئاگر بۆ سووتانی خۆڵ و خاشاک، منداڵەکە بوتلێکی سپرای بۆیاخ دەخاتەناو ئاگرەکە، دوای ئەوە دەبێتە تەقینەوە، بەو هۆیەوە هەموو گیانی سووتا."

٠ بەهۆی سووتانەکە گیانی هیچی وای نەمابوو کە ئومێدی ژیانی مابێت، دوای ماوەیەکی کەم مانەوەی لە نەخۆشخانە، منداڵەکە گیانی لەدەست دا.

٠ دوای گیانلەدەستدانی، منداڵەکە ڕەوانەی نەخۆشخانەی پزیشکیی دادی هەولێر کرا.