پارتی و یەكێتی بۆ یەکلاکردنەوەی پرسی سەرۆککۆمار لە ئاستی باڵا کۆدەبنەوە

ئاڤا نیوز

بە گوتەی بەرپرسێکی باڵای یەکێتی نیشتمانیی کوردستان بڕیارە سبەی چوارشەممە پارتی و یەكێتی بۆ یەکلاکردنەوەی پرسی سەرۆککۆمار لە ئاستی باڵا کۆببنەوە.

زانیاریی بەدەستهاتوو: ئەندامێکی ئەنجوومەنی سەرکردایەتیی یەکێتیی نیشتمانیی كوردستان کە نەیویست ناوی خۆی ئاشكرا بکات بە ئاڤا میدیای وت: پاشنیوەڕۆی ئەمڕۆ مەکتەبی سیاسیی یەکێتی کۆبووەوە. تەوەرێکی سەرەکی، کۆبوونەوەی سبەی نێوان پارتی و یەكێتی بوو. هەروەها پرسی سەرۆککۆمار، بابەتی پێکهێنانی کابینەی نوێی حکومەتی هەرێمی کوردستان و دۆخی ناوچەکە تاوتوێ کران.

- بەپێی گوتەی ئەو سەركردەیەی یەكێتی، سبەی پارتی دیموکراتی کوردستان و یەكێتیی نیشتمانیی کوردستان لە ئاستی باڵا كۆ دەبنەوە.

ئەوەی پێویستە بیزانیت: هاوکات ئەندامەکەی ئەنجوومەنی سەرکردایەتیی یەکێتی گوتی: سوورین لەسەر کاندیدەکەمان بۆ پۆستی سەرۆککۆمار.

- ئەو سەركردەیەی یەكێتی ئاماژەی بە ئەوەش دا كە پێشبینی دەکرێ سبەی لە كۆبوونەوەكە ، پرسی سەرۆککۆمار یەکلایی ببێتەوە، دوای ئەوەش ڕاستەوخۆ بابەتی پێکهێنانی کابینەی نوێی حکومەتی هەرێمی كوردستان یەکلای دەبێتەوە.

- یەكێتی چاوەڕوانە پارتی کاندیدی خۆی بکشێنێتەوە، لەسەر قسەکەی سەرۆك بارزانی، کاندیدی یەکێتی لە نێو فراکسیۆنە کوردستانییەکان پشتیوانی بکرێت و دەنگی پێبدرێت.