سه‌رۆكی هه‌رێمی كوردستان و سەرۆکوەزیرانی لوبنان لە میونشن کۆبوونەوە

ئاڤا نیوز

نێچیرڤان بارزانی، سەرۆکی هەرێمی کوردستان لە میونشن لەگەڵ نەواف سەلام، سەرۆکوەزیرانی لوبنان، پەرەپێدانی پەیوەندییە دوولایەنەکان و دۆخی ناوچەکەیان تاوتوێ کرد.

چیرۆکی سەرەکی: نیوەڕۆی ئەمڕۆ هەینی 13ـی شوباتی 2026، نێچيرڤان بارزانى، سه‌رۆكی هه‌رێمی كوردستان، له‌ چوارچێوه‌ی کارنامه‌که‌یدا له‌ كۆنفرانسی ئاسایشی میونشن، له‌گه‌ڵ نه‌واف سه‌لام، سه‌رۆكوەزیرانی لوبنان كۆبووه‌وه‌. له‌ كۆبوونه‌وه‌كه‌دا په‌یوه‌ندییه‌كانی عێراق و هه‌رێمی كوردستان له‌گه‌ڵ لوبنان و دوا پێشهاته‌كانی دۆخی سیاسی و ئه‌منیی ناوچه‌كه‌ تاوتوێ كران.

بڵاوکراوەی فەرمی: سەرۆکایەتیی هەرێمی کوردستان لەبارەی کۆبوونەوەکە ڕایگەیاند: هه‌ردوولا جه‌ختیان له‌ پته‌وكردنی هاریكاریی هاوبه‌ش له‌ بوارە جیاوازه‌كاندا كرده‌وه‌، به‌تایبه‌تی له‌و بوارانه‌ی خزمه‌ت به‌ به‌رژه‌وه‌ندیی هه‌ردوولا ده‌گه‌یه‌نن؛ هەروەها باس له‌ گرنگیی پاراستنی ئارامی و سه‌قامگیری له‌ ڕۆژهه‌ڵاتی ناوه‌ڕاست كرا و بیروڕایان ده‌رباره‌ی لێكه‌وته‌كانی ئاڵۆزییه‌كان له‌سه‌ر دۆخی مرۆیی و ئابووریی ناوچه‌كه‌ گۆڕییه‌وه‌.