عەتا سەراوی بۆ ئاڤا نیوز: ساغ و سەلامەتم

ئاڤا نیوز 

 

 لە گەڕەکی سەرچناری سلێمانی، ئۆتۆمبێلی عەتا سەراوی تەقییەوە؛ ڕووداوەکە هیچ زیانێکی گیانی نەبوو، عەتا سەراوی بە ئاڤا نیوزی گوت "ساغ و سەلامەتم".

چیرۆکی سەرەکی: نیوەڕۆی ئەمڕۆ هەینی، ئۆتۆمبێلی عەتا سەراوی، ئەندامی پێشووی سه‌ركردایه‌تیی یه‌كێتی لە گەڕەکی سەرچناری سلێمانی تەقییەوە.

لێدوانی فەرمی: عەتا سەراوی، بە ئاڤا نیوزی گوت:" ساغ وسەلامەتم ئەوەی ئاگاداربم تەنیا خاوەن رێستورانتێک پارچەیەک بەرقاچی کەوتووە، هەرچی بڵێم زیادەیە هەتا دەرئەنجامی لێکۆلینەوەکان دەردەکەوێت، دوای پێنج خولەک لە رووداوەکە هێزەئەمنیەکان هاتن ودەستیان کردووە بەلێکۆڵینەوە".

لە لایەكی دیكەوە: لاهوور جەزا، برازای عەتا سەراوی بە ئاڤا نیوزی گوت: "مام سەلامەتە؛ ڕووداوەکە هیچ زیانێکی گیانی نەبووە و تەنیا زیان بە چەند ئۆتۆمبێلێک کەوتووە".

ئەمەش بزانە: هەر دوای ئەو تەقینەوەکە، هێزە ئەمنییەكان كۆنترۆڵی شوێنەکەیان کردووە و تیمێکی ئاسایش سەرقاڵی لێكۆڵینەوەن.