شاندێکی هەرێمی کوردستان بۆ پرسی پێکهاتەکان دەچێتە بەغدا

ئاڤا نیوز 

 

وەزیری هەرێم بۆ کاروباری پێکهاتەکان ئاشکرای کرد کە شاندێکی هەرێمی کوردستان سەبارەت بە پرسی پێکهاتەکان سەردانی بەغدا دەکات. 

 

لێدوانی فەرمی: ئایدن مەعرووف ـ وەزیری هەرێم بۆ کاروباری پێکهاتەکان لە حکومەتی هەرێمی کوردستان، بە ئاڤا نیوزی ڕاگەیاند: سەردانەکەی شاندی تورکیا لەم کاتەدا گرنگ بوو، ئەردۆغانیش نیگەرانیی خۆی لەسەر هەڵوەشاندنەوەی کورسیی کۆتا دەربڕیوە.

 

زانیاریی زیاتر: هەفتەی ئایندە شاندێکی هەرێمی کوردستان لەسەر پرسی پێکهاتەکان دەچێتە بەغدا.

 

کاریگەریی ئەرێنی: ڕەنگە سەردانەکەی ڕەجەب تەیب ئەردۆغان ـ سەرۆککۆماری تورکیا، کاریگەری لەسەر گەڕاندنەوەی کورسیی پێکهاتەکان هەبێت.

 

باکگراوند: ڕۆژی 21-02-2024، دادگەی فیدراڵی 11 کورسیی پێکهاتەکانی لە پەرلەمانی کوردستان هەڵوەشاندەوە و لە 111 کورسییەوە بۆ 100 کورسی کەم کردەوە.