لە چوار مانگدا ملیۆنێک و 700 هەزار گەشتیار هاتوونەتە هەرێمی کوردستان

ئاڤا نیوز

لە چارەکی یەکەمی ئەمساڵ, زیاتر لە یەک ملیۆن و 700 هەزار گەشتیار و سەردانکەر هاتوونەتە ناوچە گەشتیارییەکانی هەرێمی کوردستان کە زۆرینەیان خەڵکی ناوچەکانی ناوەڕاست و خوارووی عێراق بوون.

وێنە گەورەکە: لە بۆنەکاندا ڕێژەی هاتنی گەشتیار و سەردانکەر بۆ پارێزگاکانی هەرێمی کوردستان زیاد دەکات.

ئەوەی پێشبینی دەکرێت: چاوەڕوان دەکرێت تا کۆتایی ساڵی 2024، هەشت ملیۆن گەشتیار ڕوو لە هەرێمی کوردستان بکەن.

لێدوانی فەرمی: ئیبراهیم عەبدولحەمید ـ گوتەبێژی دەستەی گەشتوگوزاری هەرێمی کوردستان بە ئاڤا نیوزی ڕاگەیاند: نزیکەی چوار مانگی یەکەمی ئەمساڵ زیاتر لە یەک ملیۆن و 700 هەزار گەشتیار سەردانکەر ڕوویان لە ناوچە گەشتیارییەکانی هەرێمی کوردستان کردووە.

لە لایەکی دیکەوە: هەر لەو ماوەیەدا زیاتر لە 150 هەزار سەردانکەری ناوخۆیی هەبوون، ئەمەش هۆکار بووە بۆ بووژاندنەوەی ئابووری هاونیشتمانییانی هەرێمی کوردستان.