ئاسایشی دهۆک دەستی بەسەر زیاتر لە 10 کیلۆ زێڕدا گرت

ئاڤا نیوز

لە سنووری پارێزگای دهۆک، هەوڵدان بۆ بە قاچاخبردنی زێڕ بۆ دەرەوەی وڵات لەزیادبووندایە، لەلایەن ئاسایشەوە دەستبەسەر زیاتر لە 10 کیلۆ زێڕ دا گیراوە.

زانیاریی بەدەستهاتوو: سەرچاوەیەک لە یەکێک لە دەروازەی نێوان باکوور و هەرێمی کوردستان بە ڕادیۆی ئاڤا بەهدینانی گوت: هەوڵێکی زۆر دەدرێت بۆ ئەوەی زێر بەقاچاخ ببرێتە تورکیا، دوو کەس بەهۆی ئەو کارەوە دەستگیرکراون.

زانیاریی زیاتر: لەگەڵ دەستگیرکردنی ئەو دوو کەسەدا زیاتر لە 10 کیلۆ زێڕ لەلایەن هێزەکانی ئاساییشەوە دەستی بەسەرداگیراوە.

وێنە گەورەكە: بردنی زێڕ بە ڕێگەی یاسایی و بە مەبەستی بازرگانی لەلایەنی تورکیاوە باجی زۆر دەچێتە سەر، بۆیە هەوڵی ئەو کەسانە بۆ خۆ دزینەوەیە لە باجی گومرگی.

ئەوەی پێویستە بیزانیت: بەشێک لە کچ و کوڕان پارچە زێڕ بەخۆیانەوە دەکەن و دەچن بۆ تورکیا بە مەبەستی فرۆشتنەوەی، لەسەر ئەمەش چەند کەسێک دەستگیرکراون.