پۆلێنی نوێی سەلامەتترین شارەکانی جیهان؛ بەغدا لەدواوەیە

ئاڤا دیجیتاڵ

 

بەپێی نوێترین پۆلێنکردنەکان، بەغدا لەنێو 300 شاری جیهان لە ڕیزبەندی 264 دێت بۆ سەلامەتیی گەشتکردن و چوار شاری ئیماراتیش لە دە شارە پێشەنگەکانی جیهانن.

 

وێنە گەورەکە: گۆڤاری “SeaWorld” بۆ ساڵی 2024، لەسەر بنەمای کەمی تاوان و سەقامگیریی شارەکان لیستی سەلامەتترین شارەکانی جیهانی بۆ گەشتکردن بڵاوکردووەتەوە و بەغدای پایتەختی عێراق، لە ڕیزبەندییەکانی دواوە دێت. هەر بەپێی ڕاپۆرتێکی گۆڤارەکە  بەغدا لە کۆی 300 شاری هەڵسەنگێندراوی جیهان لە ڕیزبەندی 264ـیەمینە.

 

زانیاریی زیاتر: سەلامەتترین شارەکانی جیهان بۆ گەشتکردن بەپێی ڕێژەی کەمی تاوانەکان، هەروەها پۆلیسی بەهێز و ڕێوشوێنی ئەمنی و حکومەتە سەقامگیرەکان پۆلین دەکرێت، ئەمانەش وادەکەن ئەو شارانە، شوێنی نموونەی بن بۆ گەشتیاران و دانیشتووان لەڕووی سەلامەتییەوە.

 

لەلایەکی دیکەوە: بەپێی پۆلێنکردنی گۆڤاری “SeaWorld” بۆ ساڵی 2024، ئەبوزەبی لە کۆی 100 خاڵ کۆنمرەی سەلامەتی 97.73 بەدەستهێناوە، لە پێشەنگی لیستی سەلامەتترین شارەکانی جیهاندایە، تایپە پلەی دووەمە و دەوحە، پلەی سێیەمی گرتووە. عەجمان، دوبەی، ڕەئسولخەیمە، مەسقەت، لاهای، بێرن و میونشن 10 باشترینەکان پێکدێنن، بەمەش شەش شاری عەرەبی کە چواریان لە ئیماراتن، لە 10 شارە سەلامەتەکانی جیهانن بۆ گەشتکردن.