کۆنفرانسی نوێنەرایەتییەکانی حکومەتی هەرێمی کوردستان بەڕێوەدەچێت

ئاڤا دیجیتاڵ


بە ئامادەبوونی سەرۆکوەزیران بارزانی، کۆنفرانسی نوێنەرایەتییەکانی حکومەتی هەرێمی کوردستان بەڕێوەدەچێت.

وێنە گەورەکە: کاتژمێر 10:00ی ئەمڕۆ یەکشەممە 28-1-2024، بە ئامادەبوونی مەسرور بارزانی، سەرۆکی حکومەتی هەرێمی کوردستان، لە شاری هەولێر کۆنفرانسی نوێنەرایەتییەکانی حکومەتی هەرێم دەستپێدەکات و ماوەی پێنج رۆژ بەردەوام دەبێت.


ئەوەی پێویستە بزانیت: حکومەتى هەرێمى کوردستان بەمەبەستى بنیاتنانى پردى پەیوەندى لەگەڵ کۆمەڵگەى نێودەوڵەتى، لە مانگى ئەیلولى ساڵى 2006 فەرمانگەى پەیوەندییەکانى دەرەوەى دامەزراند. 

زانیاری زیاتر: ئێستا فەرمانگەى پەیوەندییەکانى دەرەوە بەشێکى گرنگى حکومەتى هەرێمى کوردستانە و ئەرک و بەرپرسیارێتییەکى زۆرى لەئەستۆدایە. هەروەها حکومەتى هەرێمى کوردستان ژمارەیەک نووسینگەى نوێنەرایەتى لە وڵاتانى دەرەوەدا هەیە.

ژمارەکان وادەڵێن: حکومەتی هەرێمی کوردستان 14 نوێنەرایەتی لە وڵاتان هەیە، کە بریتین لە: ئەڵمانیا، ئەمریکا، ئوسترالیا، ئیتاڵیا، ئیسپانیا، ئێران، بەریتانیا، فەڕەنسا، سوید، سویسرا، ڕووسیا، نەمسا، پۆڵەندا و یەکێتیی ئەوروپا، جگە لەوەش زیاتر لە 40 وڵات کونسوڵخانەی گشتی، کونسوڵخانە و نوێنەرایەتییان لە هەرێمی کوردستان هەیە.