زاوایەک بە ئۆنلاین ئەستێرەیەک بۆ هاوژینەکەی دەکڕێت

ئاڤا نیوز

زاوایەکی جەزائیری لە ئاهەنگی هاوسەرگیرییەکەیدا بووکەکەی تووشی سەرسوڕمان دەکات، کاتێک پێی دەڵێت "ئەستێرەیەکی ئاسمانی بە دیاری پێ دەبەخشێت"، بەڵام لە ڕاستیدا تەنیا بە ئۆنلاین تابلۆیەکی ئەستێرەی کڕیوە.

چیرۆکەکە بەمشێوەیەیە: پێنجشەممەی ڕابردوو، ڤیدیۆی یەکێک لە هۆڵەکانی ئاهەنگ گێڕانی جەزائیر لە تۆڕە کۆمەڵایەتییەکان بڵاوبووەتەوە، کاتێک تازە زاوایەک دەیەوێت دیارییەکی کتوپڕ بداتە بووک و دەڵێت "دیارییەکم بۆ کڕیویت جیاوازە لە هەموو دیارییەکانی دیکە و ئەستێرەیەکی ئاسمانە و ماوەیەکی زۆر بەدوایدا گەڕاوم".

ئەوەی پێویستە بیزانیت: چەند پێگەیەکی نافەرمی لە ئینتەرنێت لە ڕێگەی فۆڕمێکەوە بانگەشەی فرۆشتنی ئەستێرەی ئاسمان دەکەن و بۆ ئەوەش گرێبەستیان هەیە.

ئەوەی ئێستا ڕوودەدات: بەهۆی زۆر بڵاوکردنەوەی گرتە ڤیدیۆییەکە لە تۆڕە کۆمەڵایەتیەکان بەشێک لەبەکارهێنەران بەدوای نرخی تابلۆی ئەستێرەکەدا گەڕاون و بۆیان دەرکەوتووە بەهاکەی تەنیا 30 یۆرۆیە.

کاریگەری و لێکەوتەکان: ئەستێرە بە خراپ بەسەر ئەو بووک و زاوایەدا شکایەوە، بەهۆی بڵاوبوونەوەی زۆری ڤیدیۆکانیان تووشی شۆکی دەروونی بوون و بەهۆیەوە بڵاوکردنەوەی گرتە ڤیدیۆکەیان قەدەغەکراوە.