ئەڵمانیا "پلانی جەنگی نهێنی" دادەنێت

ئاڤا دیجیتاڵ

بە پشتبەستن بە ڕەشنووسی بەڵگەنامەیەکی وەزارەتی بەرگری ئەو وڵاتە، چاوەڕوان دەکرێت ئەڵمانییەکان ماڵەکانیان بکەنە حەشارگەی بۆمبم و چەک لە ئەگەری ڕوودانی شەڕێکی گەورە لە ئەوروپا.

چیرۆکی سەرەکی: رۆژنامەی بیڵدی ئەڵمانی بڵاویکردووەتەوە، ئەڵمانیا " پلانی جەنگی نهێنی" هەیە، بۆ خۆئامادەکردن لە ئەگەری روودانی شەڕێکی گەورە لە ئەوروپا، بۆ ئەمەش بۆمب و تەقەمەنی پێویست لە ماڵی هاووڵاتییە ئەڵمانییەکان حەشاردەدەن، تاوەکو لە کاتی روودانی ئەو شەڕەی " ئەڵمانیا پێشبینی دەکات" ئامادەبن.

زانیاریی زیاتر: بەگوێرەی ئەو زانیارییانەی ڕۆژنامەکە بڵاویکردوونەتەوە، تەواوی ئامادەکارییەکانی "پلانی جەنگی نهێنی ئەڵمانیا" تا مانگی نیسانی ئەمساڵ تەواو دەبن.

هۆکارە زانراوەکان: ئەڵمانیا وەک سەنگەرێکی چالاکی گواستنەوەی چەک و کەرستە سەربازییەکانی شەڕ لە نێوا وڵاتاندا ناسراوە، نەک دەوڵەتێکی هێڵی پێشەوەی جەنگ. بەگوێرەی راپۆتەکەی بیڵد، سەربازەکانی ئەڵمانیا ئەرکی دەستەبەرکردنی ئاسایشی ڕێگاوبان و وێستگەی شەمەندەفەر و بەندەرەکانیان پێدەسپێردرێت.


ئەوەی پێویستە بیزانیت: ئەڵمانیا 579 پەناگەی بۆمبی کارای هەیە، بەگوێرەی زانیارییەکان حکومەتی ئەڵمانیا داوا لە هاووڵاتیان دەکات بۆمبەکان لە ماڵەکانی خۆیاندا لە شوێنەکانی وەک ژێرزەمین و گەراجەکان دابنێن.

لێدوانی فەرمی: ڕالف تیسلێر، سەرۆکی دەزگای پاراستنی مەدەنی و هاوکاری کارەساتەکانی فیدراڵی، هۆکاری جێبەجێکردنی پلانەکەی بۆ ئەوە گەڕاندووەتەوە " کات نەماوە بۆ دروستکردنی پەناگەی نوێ" بۆ هەڵگرتنی چەک و بۆمبەکان.