سوودانی دەستخۆشی لە یاریزانان و هاندەرانی هەڵبژاردەی عێراق دەكات

ئاڤا دیجیتاڵ

محەمەد شیاع سوودانی، سەرۆكوەزیرانی عێراق  "دەستخۆشی لە یاریزانانی عێراق کرد، کە هەموو هەوڵێکی خۆیانداوە" بەڵام لە بەرامبەر ئوردن شکستیان هێنا. 

چیرۆکی سەرەکی: لە دوای ئەوەی عێراق 2-3  لە بەرامبەر ئوردن شکستی هێناو  ماڵئاوایی لە جامی نەتەوەکانی ئاسیا کرد و ئوردن گەیشتە قۆناغی هەشتەمی جامەکە، محەمەد شیاع سودانی سەرۆكوەزیرانی عێراق پەیامێکی بڵاوکردەوە و تیايدا دەستخۆشی و پاڵپشتی بۆ یاريزانانی عێراق دەڕبری.

لێدوانی فەرمی: محەمەد شیاع سودانی سەرۆکوەزیرانی عێراق لە تۆڕی كۆمەڵایەتی ئێكس ڕایگەیاند "هەوڵدانی یاریزانەکانمان جێگای دەستخۆشین، بەردەوام دەبین لە پاڵپشتی و بنیاتنانی هەڵبژاردەی نیشتمانیمان لە یارییەکانی داهاتوودا بۆ بەرزکردنەوەی ناوی عێراق، بەردەوام دەبین لە پاڵپشتی کردنی بواری وەرزشی لە عێراق لە هەموو یاریە جیاوازەکاندا،  لە پێناو ئەو دەستکەوتانەی کە شانازییان پێوە دەکەین، لەگەڵ تەواوی خۆشەویستی و هاندانم بۆ قارەمانە ئازاکانمان و هیوای بەختێکی باش دەخوازم بۆ ئەوان و بۆ بینەرە دڵسۆزەکانی عێراق کە سەرەڕای هەموو هەلومەرجەکان پاڵپشت و هاندەر بوون".

باکگراوند: هەردوو هەڵبژاردەی عێراق و ئوردن پێشتر تەنها یەکجار لە جامی نەتەوەکانی ئاسیای 2015 یارییان بەرامبەر یەکتری کردووە، لەو یارییەش عێراق توانی سەرکەوتن بە دەست بهێنێت.