ئەمساڵ جووتیاران ڕاستەوخۆ پارەی گەنمەکانیان وەردەگرن

ئاڤا نیوز

لە بەشێکی پارێزگاکانی عێراق پڕۆسەی وەرگرتنی گەنمی جووتیاران دەستی پێ کردووە، لەگەڵ وەرگرتنی بەرهەمەکە ڕاستەوخۆ جووتیاران پارەکەی وەردەگرن، لەم هەفتەیە ئەو بڕە یەکلایی دەکرێتەوە کە لە جووتیارانی هەرێمی کوردستان وەردەگیرێت.

وێنە گەورەکە: سایلۆکانی وەرگرتنی گەنمی جووتیاران لە پارێزگاکانی عێراق کراونەتەوە و گەنم وەردەگرن، لە کاتێکدا 15 ڕۆژە ڕێگری لە جووتیارانی کورد لە کەرکووک دەکرێت دروێنە لەسەر زەوییەکانیان بکەن.

لێدوانی فەرمی: د. زیدا محەممەد، بەڕێوەبەری گشتیی پلاندانان و بەدواداچوون لە وەزارەتی کشتوکاڵی هەرێمی کوردستان بە ئاڤا نیوزی ڕاگەیاند: "ڕۆژی دووشەممە شاندی هەرێمی کوردستان لەگەڵ شاندی عێراق کۆ دەبێتەوە و ئەو بڕە یەکلایی دەکەینەوە کە لە جووتیارانی هەرێمی کوردستان وەردەگیرێت و لە 01-06-2024 دەست بە وەرگرتنی گەنمی جووتیارانی هەرێمی کوردستان دەکرێت".

ئەوەی پێویستە بزانیت: لە پارێزگاکانی عێراق سەرجەم بەرهەمی گەنمی جووتیاران وەردەگیرێت، ڕاستەوخۆ چەکی بانکییان بۆ دەکرێت و پارەکە وەردەگرن.