چەند بڕیارێک لە پارێزگاری هەولێرەوە لەبارەی قەرەبووکردنەوەی دووکاندارانی بازاڕی قەیسەری
- کوردستان
- 12 ئایار
![بازاڕی قەیسەری دوای سووتانی - وێنە: محەممەد شوانی](/_next/image?url=https%3A%2F%2Fassets.ava.news%2Fnews%2F5736%2FpA64PmXJJbH7LHzgjwAU.jpg&w=3840&q=100)
بازاڕی قەیسەری دوای سووتانی - وێنە: محەممەد شوانی
ئاڤا نیوز
ئومێد خۆشناو، پارێزگاری هەولێر چەند بڕیارێکی لەبارەی زیانلێکەوتووانی ئاگرەکەی بازاڕی قەیسەریی هەولێر دەرکرد و بڕیاری لێخۆشبوون لە کرێی شەش مانگی هەڵواسین و زبڵ و لێخۆشبوون لە 50% باجی ساڵی 2023 و لێخۆشبوونی تەواوەتی باجی 2024 درا.
چیرۆکی سەرەکی: شەوی 05-05-2024 ئاگرێکی گەورە لە بازاڕی قەیسەری شاری هەولێر کەوتەوە، بەو هۆیەوە 227 دووکان و حەوت کۆگای بچووکی بازاڕەکە سووتان و زیانیان پێگەیشت.
لێدوانی فەرمی: ئومێد خۆشناو، پارێزگاری هەولێر لەگەڵ دووکاندارانی بازاڕی قەیسەریی هەولێر کۆبووەوە و پێیانی ڕاگەیاند: لە کرێی شەش مانگی هەڵواسینی ڕێکلام و زبڵی ئەو دووکانانە خۆش دەبن کە زیانیان بەرکەوتووە.
زانیاریی زیاتر: بڕیارەکان ئەمانە:
- لێکۆڵینەوە لە هۆکارى کارنەکردنى سیستەمى جێگیرى ئاگرکوژێنەوە دەکرێت.
- سەرتاسەری بازاڕەکە پاکدەکرێتەوە.
- لە زوترین کاتدا، دەست بە نۆژەنکردنەوەى ناوەوەى دوکانەکان، کۆڵانەکان و بنمیچی بازاڕەکە دەکرێت.
- سەرجەم کەموکوڕییەکانى ئاو و کارەباى بازاڕەکە چارەسەر دەکرێن.
- سەرپێچى و زێدەڕۆییەکانی کە دەبنە هۆکاری ئاگر لادەبرین.
- پاراستنی بازاڕەکە لە کۆمپانیای تایبەتى سیکیوریتی وەردەگیرێتەوە و لە شوێنى ئەوان، ڕادەستی پۆلیس دەکرێت.
- هەر دووکاندارێک کرێچى حکومەت بێت و لەو ئاگرکەوتنەوەیە زیانى کردبێت، لە کرێى یەک ساڵى دووکانەکەى دەبەخشرێت.
- سەرجەم ئەو دووکاندارانەى لە ئاگرکەوتنەوەکەدا زەرەمەندبوون، لە کرێى شەش مانگى زبڵ و خاشاک و تابلۆ دەبەخشرێن.
- سەرجەم ئەو دووکاندارانەى لە ئاگر کەوتنەوەکەدا زەرەمەندبوون، بۆ ساڵى 2023 لە 50%ـى باج و بۆ ساڵى 2024 لە 100%ـى باج دەبەخشرێن.
- هەر دووکاندارێک بەهۆى کەوتنەوەى ئاگر زەرەرمەند بوو بێت، دواى وەرگرتنى نووسراوى پشتگیرى لە بەڕێوەبەرایەتىی قەیرانەکانى پارێزگاى هەولێر، دەتوانێت لە وەرگرتنى قەرزى بێ قازانج سوودمەند بێت.
- هەر دووکاندارێک بەهۆى ئاگرکەوتنەوەکە، پارەى لەنێو دوکانەکەى 'تەنها دینارى عێراقى' سووتا بێت، لایەنە پەیوەندیدارەکانى حکومەت هاوکارى دەبن بۆ قەرەبووکردنەوەى لە بانکى ناوەندى لقى هەولێر.
لەلایەکی دیکەوە: سەبارەت بە ڕۆڵی یونسکۆ لە نۆژەنکردنەوەی بازاڕی قەیسەری نەبەز عەبدولحەمید، قایمقامی قەزای ناوەندیی هەولێر، بە ئاڤا نیوزی گوت: بەو شێوەیە نییە کە دەڵێن، نۆژەنکردنەوەی قەیسەری پەیوەستە بە بڕیارەکانی یونسکۆوە، بەڵکوو حکومەت خۆی بڕیار لەمبارەیەوە دەردەکات، نۆژەنکردنەوەی ئەو بازاڕەش پەیوەستە بە ڕێنماییەکانی لیژنەی بەفەرزونکردن.
زیاتر لەسەر ئەم بابەتانە بکۆڵەرەوە
هەڵبژاردەکان بۆ تۆ
دوایین هەواڵەکان
- بزنس
- 8 خولەک لەمەوپێش
ئەو پیشەوەرانەی یەک سەرچاوەی داهاتیان هەیە باجیان لێوەرناگیرێت
- ژینگە
- 14 خولەک لەمەوپێش
عێراق ڕووبەڕووی شەپۆلێکی خۆڵبارین دهبێتهوه
- عێراق
- 37 خولەک لەمەوپێش
سوودانی داوا دەکات پارێزگاری کەرکووک بەخواستی خەڵک بێت
- جیهان
- 1 کاتژمێر لەمەوپێش
کیم جۆنگ ئون: بەهەشتی خەڵک بونیات دەنێین
- کوردستان
- 1 کاتژمێر لەمەوپێش
كۆڵبەرێكی كورد لە ڕۆژهەڵاتی كوردستان كوژرا
- کوردستان
- 2 کاتژمێر لەمەوپێش
لە دهۆک سەرمایەدارێک كورسی خوێندن بە خۆڕایی بۆ كەمدەرامەتان دابیندەكات
- کوردستان
- 3 کاتژمێر لەمەوپێش
وردەكاری هێرشكردنە سەر بارەگای لقی سێی پارتی لە كەركووک
- کوردستان
- 4 کاتژمێر لەمەوپێش
لە سلێمانی ڕێژەی دەرچوون لە پەیمانگەیەکی نابینایان ٪100 بووە
- کوردستان
- 15 کاتژمێر لەمەوپێش
هەزار و 169 کەس خۆیان بۆ پەرلەمانی کوردستان بەربژێر کردووە
- کوردستان
- 19 کاتژمێر لەمەوپێش
كارەبای سۆران: كارەبای هیچ ماڵێكمان نەبڕیوە