یەڵماز گۆنای یەکەمین کوردە خەڵاتی "پالمادۆری کان"ـی وەرگرتبێت

ئاڤا نیوز

 

یەڵماز گۆنای، یەکەمین سینەماکاری کوردە کە خەڵاتی "پالمادۆری کان"ـی وەرگرتووە؛ فیلمەکە بە ناوی (ڕێگە) بوو و لە زیندان بەرهەمهێنرا.

 

چیرۆکی سەرەکی: لە ساڵی 1982 یەڵماز گۆنای وەک یەکەمین کورد لە فێستیڤاڵی فیلمی کان خەڵاتی پالمادۆری وەرگرت، فیلمەکە باس لە سەختیی ژیانی کورد دەکات لە باکوری کوردستان.

 

ئەوەی پێویستە بیزانیت: ئەو سینەماکارە کوردە، جگە لە خەڵاتی پالمادۆر، 16 خەڵاتی دیکەی بەدەستهێناوە.

 

زانیاریی زیاتر: یەڵماز گۆنای سیناریۆی بۆ 53 فیلم نووسیوە، لە 115 فیلمدا نواندنی کردووە و چوار ڕۆمان و سەدان چیرۆکی نووسیوە.

 

باکگراوند: یەڵماز گۆنای ساڵی 1937 لە گوندی ئیجەی سەر بە شاری ئەدەنە لەدایکبووە، لە ساڵی 1957 دەستی بە کاری سینەما کردووە و ساڵی 1984 لە پاریس کۆچی دوایی کرد.