فێستیڤاڵی زەیتوون لە کۆیە بەڕێوەدەچێت

ئاڤا نیوز

بۆیەکەمجار لە کۆیە فێستیڤاڵی زەیتوون بەناوی ( زەیتوون بۆ پێکەوە ژیان) بەڕێوەدەچێت، کە تەنها بۆماوەی یەک ڕۆژ بەردەوام دەبێت. 

چیرۆکی سەرەکی: بەهۆی هەڵکەوتەی جوگرافی شاری کۆیە، بوونی بەرهەمی زەیتوون لەناوچەی هەرمۆتە پەیامێکی تایبەتی لە پشتەوەیە ئەویش بوونی پێکەوە ژیانی ئاشتییە لەنێوان پێکهاتە جیاوازەکانی ناوچەکە. 

لێدوانی فەرمی: هاوژین سڵێوە، سەرپەرشتیاری فێستیڤاڵەکە بە ئاڤای گوت:" فێستیڤاڵەکە یەک ڕۆژە و لە کاتژمێر دووی دوای نیوەڕۆیی ئەمڕۆ دەستی پێکردووە و تا درەنگانی شەو بەردەوام دەبێت.

- جووتیارانی ناوچەکە لە ژێر 35  خێمەدا بەرهەمە خۆماڵییەکانیان هێناوە و ساغی دەکەنەوە، کە 15  خێمەیان تایبەتن بە زەیتوونی خۆماڵی جووتیارانی هەرمۆتە و دەورووبەری کۆیە زەیتونەکانیان هێناوە.

- لە بەشێکی دیکەی قسەکانیدا سەرپەرشتیاریی فێستیڤاڵەکە گوتیشی، " لەبەر ئەوە  کۆیەمان هەڵبژاردووە بەیەکێک لەو شوێنانە دادەنرێت کە لە کۆندا زەیتوونی لێ ڕوێنراوە و بەتایبەت لە هەرمۆتە،  ئامانجی فێشتیڤاڵەکەش ئەوەیە کە پەیامی ئاشتی و پێکەوە ژیان بگەیەنین و لە ساڵانی ئایندەش بەردەوام دەبین. 

ئەمەش بزانە: هەرمۆتە یەکێک لە گوندە دێرینەکانی کوردستان و شاری کۆیەیە کە کریستیانەکانی تێدا نیشتەجێبوون.