شیروان عەبدوڵڵا: داوا دەکەم هەمووان دەنگ بدەن بەو لیستەی کە خەمخۆری کوردستانە

ئاڤا نیوز

هونەرمەندی میللی دیار شیروان عەبدوڵڵا، لەبارەی هەڵبژاردنەوە دەڵێت هاوڕای ئارام شەیدام و داوا لە خەڵک دەکەم دەنگ بەو حیزبە بدەن کە پڕۆژەی خزمەتگوزاری جێبەجێدەکات و خزمەتی کوردستان دەکات.

وێنە گەورەکە: سێشەممەی هەفتەی داهاتوو، هەڵبژاردنی خولی شەشەمی پەرلەمانی عێراق بەڕێوەدەچێت، هونەرمەندان داوا دەکەن دەنگ بەو لایەنە بدرێت کە پڕۆژەی خزمەتگوزاری پێشکەش بە هاووڵاتیان دەکات.

لێدوانی فەرمی: شیروان عەبدوڵڵا بە ئاڤای وت، داوا لە هەوادارانم دەکەم بەشداری هەڵبژاردن بکەن، چونکە ئەم هەڵبژاردنە چارەنووسسازە، داوا دەکەم هەمووان دەنگ بدەن بەو لیستەی کە خەمخۆری کوردستانە، کە خەمخۆری مووچەخۆرانە، کە پڕۆژەی خزمەتگوزاری جێبەجێدەکات و شەقام و جووتساید دروستدەکات. 

وتیشی، هاوڕام لەگەڵ هونەرمەندی میللی ئارام شەیدا، هیوادارم دەنگ بەو لیستە بدەن کە خزمەتی کوردستان دەکات.

لەلایەکی دیکەوە: شیروان عەبدوڵڵا لەڕێگەی ئاڤاوە باسی لە دوایین بەرهەمی خۆی کرد و کۆپڵەیەک لە بەرهەمەکەی پێشکەش بە هەوادارانی کرد.