فڕۆکەیەکی جەنگیی ئەمریکا لە کۆریای باشوور دەکەوێتەخوارەوە

ئاڤا دیجیتاڵ

 

فڕۆكەیەكی ئێف 16ـی ئەمریکی لە کەناراوەکانی کۆریای باشوور کەوتەخوارەوە. ڕووداوەکە ئەمشەو ڕوویداوە و  هیچ زیانێکی گیانی نەبووە.

 

چیرۆکی سەرەکی: ئەمشەو فڕۆكەیەكی جەنگی ئێف 16ـی ئەمریکی لە بنکەی ئاسمانیی كونسان لە كۆریای باشوور دەکەوێتە خوارەوە. فڕۆکەوانەکە دەتوانێت خۆی دەرباز بکات و تیمی فڕۆکەوانی کوریای باشوور، ڕزگاریانکرد.

 

لێدوانی فەرمی: بنکەی ئاسمانیی كونسان لە کۆریای باشوور لە ڕاگەیێنراوێکدا ئاشکرای کرد: "فڕۆکەکە بەتەواوی تێکشکاوە و فڕۆکەوانەکەش لەلایەن تیمی فڕۆکەوانی کۆریای باشوور ڕزگارکراوە. تیمێکیش بۆ لێکۆڵینەوە لە ڕووداوەکە پێکهێنراوە".

 

زانیاریی زیاتر: نرخی فڕۆكەكە 63 ملیۆن دۆلارە، جۆرێکی پێشکەوتووی فڕۆکەیە و بە یەكێك لە بەهێزترین فڕۆكەكانی جیهان دادەنرێت.