دوو شاندی قەتەر سەردانی هەرێمی کوردستان دەکەن

ئاڤا نیوز

 

 لە دوو کاتی جیاوازدا دوو شاندی بازرگانی و وەبەرهێنانی قەتەر، سەردانی هەرێمی کوردستان دەکەن.

 

وێنە گەورەکە: ڕۆژی 23ـی نیسانی ڕابردوو، بە سەرپەرشتیی گوهدار شێخۆ، شاندێكی ئیدارەی سەربەخۆی زاخۆ سەردانی قەتەریان كرد، ئەمەش بە مەبەستی پێشخستن و برەودان بە پەیوەندییەکان و سوودمەندبوون لە ئەزموونی ئەو وڵاتە.

 

لێدوانی فەرمی: جگەر خوێن تاهر: بەڕێوەبەری گشتیی وەبەرهێنانی زاخۆ بە ئاڤا نیوزی گوت: شاندەکەی قەتەر ڕۆژی 26ـی ئەم مانگە دێتە هەولێر و ڕۆژی 27ـی مانگیش سەردانی زاخۆ دەکەن، لە سەرەتای مانگی حوزەیرانیش شاندێکی دیکەی ئەو وڵاتە سەردانی زاخۆ دەکات.

 

زانیاریی زیاتر: ئامانج لەم سەردانانە جێبەجێکردنی ژمارەیەک پڕۆژەیە، کە دەستنیشانکراون و ئەو شاندانە ئامادەن کاریان لەسەر بکەن.