عێراق دەست بە دابەشکردنی مووچەی مانگی ئایار دەکات

ئاڤا نیوز

 

وەزارەتی دارایی عێراق دەستی بە دابەشکردنی مووچەی مانگی ئایار کرد و مووچەی فەرمانبەران و هێزە ئەمنییەکانیان بۆ مانگی ئایار دابەشکردووە. 

 

ڕاگەیێنراوی فەرمی: ڕۆژی سێشەممە 21-05-2024، وەزارەتی دارایی عێراق ڕایگەیاند، دەستیان بە ڕێکارەکانی دابەشکردنی مووچەی فەرمانبەران و هێزە ئەمنییەکانیان بۆ مانگی ئایار کردووە.

 

ئەوەی پێویستە بیزانیت: ناوەڕاستی ئەم مانگە بەغدا بەشێکی مووچەی مانگی نیسانی هەرێمی کوردستان نارد، بەڵام پارەی وەزارەتی پێشمەرگە و هێزەکانی ناوخۆی تاوەکو ئێستاش نەنێردراوە، لە ماوەی پێنج ڕۆژیشدا وەزارەتی دارایی مووچەی سەرجەم ئەو شوێنانەی دابەشکرد کە پارەکەیان نێردرابوو.

 

زانیاریی زیاتر: 21 ڕۆژ بەسەر مانگی نیساندا تێدەپەڕێت و هێشتا حکومەتی عێراق پارەی تەواوی مانگی نیسانی بۆ مووچەخۆرانی هەرێمی کوردستانی نەناردووە.

 

لەلایەکی دیکەوە: ڕۆژی 19ـی ئەم مانگە سەرۆکوەزیرانی عێراق ڕایگەیاند: داهاتی نانەوتی ڕادەست بکرێت یان نا، بە پشتبەستن بە بڕیاری دادگەی فیدراڵی مووچەی فەرمانبەرانی هەرێمی کوردستان دەنێردرێت.