كۆنسوڵخانەی قەتەر بە فەرمی لە هەولێر دەكرێتەوە

ئاڤا نیوز

ئەمڕۆ شاندێكی باڵای قەتەر سەردانی هەرێمی كوردستان دەكات، ڕۆژی یەكشەممە كۆنسوڵخانەی قەتەر لە هەولێر لە رێوڕەسمێكدا دەكرێتەوە.

ئەوەی پێویستە بیزانیت: لە ڕێوڕەسمی كردنەوەی كۆنسوڵخانەی قەتەر، ئەمینداری گشتیی وەزارەتی دەرەوەی قەتەر و چەند بەرپرسێكی دیكەی ئەو وڵاتە ئامادە دەبن و سەفین دزەیی بەرپرسی فەرمانگەی پەیوەندییەكانی دەرەوەی هەرێمی كوردستان پێشوازییان لێدەكات.

زانیاریی زیاتر: ساڵی 2022 حكومەتی عێراق بڕیاری كردنەوەی كۆنسوڵخانەی قەتەری لە هەولێر پەسەند كردووە.

باكگراوند: ساڵی 2019 خالد حەمەد باڵیۆزی قەتەر لە عێراق سەردانی هەرێمی كوردستانی كرد و لەگەڵ نێچیرڤان بارزانی سەرۆكی هەرێمی كوردستان كۆبووەوە، باڵیۆزی قەتەر نیازی وڵاتەكەی بۆ كردنەوەی كۆنسوڵخانەی وڵاتەكەی لە هەولێر نیشاندا.