ئاڤا ژمارەی دەنگی كاندیدە دەرچووەكانی كۆتاكانی هەرێمی كوردستان بڵاودەكاتەوە

ئاڤا نیوز

 

دوای ڕاگەیاندنی ئەنجامی بەرایی هەڵبژاردنی خولی شەشەمی ئەنجوومەنی نوێنەرانی عێراق، سێ كورسیی پێكهاتەی مەسیحی و كورسییەكەی كوردانی فەیلی و كورسیی كوردی ئێزدی بووە بەشی پارتی دیموكراتی كوردستان.

 

ڕاگەیێنراوی فەرمی: كۆمیسیۆنی باڵای سەربەخۆی هەڵبژاردنەكانی عێراق لە كۆنفرانسێكی ڕۆژنامەوانیدا ڕایگەیاند، هەریەك لە كلدۆ ڕەمزی، سامی ئوشانە و عیماد یوخەننا لە پێكهاتەی كریستیان، زۆرترین دەنگیان بەدەستهێناوە و كورسیی پارێزگاكانی هەولێر و دهۆك و كەركووكیان بردووەتەوە.

 

ژمارەكان وا دەڵێن:

پارێزگای هەولێر:  كلدۆ رەمزی لە پێكهاتەی كریستیان 18474 دەنگی هێناوە و براوەی یەكەمە.
پارێزگای دهۆك: سامی ئوشانە لە پێكهاتەی كریستیان 22836 دەنگی هێناوە و براوەی یەكەمە.
پارێزگای كەركووك: عیماد یوخەننا لە پێكهاتەی مەسیحی 17602 دەنگی هێناوە و براوەی یەكەمە.

كورسیی كوردانی فەیلی؛ حەیدر عەلی 17174 دەنگی هێناوە و براوەی یەكەمە.

نەینەوا؛ خالید سیدۆ  9686 دەنگی هێناوە و یەكەمە.