لە ڕۆژانی جەژندا 404 ڕووداوی ئاگر کەوتنەوە تۆمارکراون

ئاڤا نیوز

 

لەماوەی چوار ڕۆژی جەژندا 404 ڕووداوی ئاگر کەوتنەوە لەشارەکانی هەرێمی کوردستان تۆمارکراون و بەشی هەرە زۆریان سووتانی پووش و پەڵاش بوون.

 

وێنە گەورەکە: هەموو ساڵێک لەسەرەتای وەرزی هاوین بەهۆی سووتانی پووش و پەڵاش ڕووبەرێکی زۆری زەوی و دارستان دەستووتێت و زیان بەر هاووڵاتییان دەکەوێت، لەگەڵ ئەوەشدا ڕووداوەکانی خنکان زۆر دەبن.

 

ڕاگەیێنراوی فەرمی: بەڕێوەبەرایەتی گشتی بەرگری شارستانی هەرێم ئەمڕۆ پێنجشەممە ئاماری چوار ڕۆژی ڕووداوەکانی جەژنی قوربانی ڕاگەیاند، لەکۆی 404 ڕووداوی ئاگر کەوتنەوە کە لە پارێزگاکانی هەرێمی کوردستان تۆمارکراوە، 348 ڕووداویان بەهۆی ئاگری پووش و پەڵاش بووە و زیانی زۆری بە هاووڵاتییان گەیاندووە، هاوکات حەوت حاڵەتی خنکان هەبووە و پێنج کەسیش لە خنکان ڕزگار کراون و حاڵەتێکی هەڵدێران لەشاخیش  تۆمارکراوە.

 

باکگراوند: ئەمساڵ ڕووداوەکانی ئاگرکەوتنەوە بەراورد بە ساڵانی ڕابردوو زیادیان کردووە، هاوکات هەندێک لەو ئاگرانە بەدەستی ئەنقەستن و هەندێکی دیکەیان بەهۆی هەڵە و بەرزی پلەی گەماوە بووە.