پارێزگاری دهۆک: هاوکاری دەدرێت بە زیانلێكەوتووانی پەنگخواردنەوەی ئاو لە شێخان و ئاكرێ

ئاڤا نیوز

پارێزگاری دهۆک لەڕێگەی ئاڤاوە بەڵێنی پێدانی هاوکاری بە زیانلێكەوتووانی پەنگخواردنەوەی ئاوی دەکات لە ئاكرێ و شێخان. لەسەر فەرمانی سەرۆكوەزیران مەسرور بارزانی، هەر زیانلێكەوتووێک بەپێی قەبارەی ئەو زیانەی بەری كەوتووە، هاوكات ئەو 12 هاووڵاتییەی زیان بەر ئۆتۆمبێلەكانیان كەوتووە، هاوكاری دەكرێن.

چیرۆكی سەرەكی: بەهۆی بارانبارینی چڕ لە دوو شەوی ڕابردوودا، پەنگخواردنەوەی ئاو لە گەڕەکەكانی شۆڕش لە ئاكرێ و سەرهەڵدان لە قەزای شێخان دروستبوو. ئاو چووەتە ناو زیاتر لە 20 ماڵ، بەڵام 13 ماڵ زیانی زۆرتریان بەركەوتووە و تەواوی كەلوپەلی نێو ماڵیان زەرەرمەند بوون، بەرگری شارستانی هەردوو شارەکە زیانەکانیان تۆمار کردووە.

لێدوانی فەرمی: د. عەلی تەتەر، پارێزگاری دهۆك تایبەت بە ئاڤا ڕایگەیاند، بە ڕاسپاردەی سەرۆكوەزیران مەسرور بارزانی، هەر زیانلێكەوتووێک لە ئاكرێ و شێخان، بەپێی قەبارەی ئەو زیانەی بەری كەوتووە، هاوکاری دەکرێن. ئەو 12 ئۆتۆمبێلەشی كە زیانیان بەركەوتووە، هاوكاریی دەكرێن.

٠ پارێزگاری دهۆک نیگەرانیی خۆی دەربڕی لەوەی، تا ئێستا عێراق هیچ جۆرە هاوکارییەکی زیانلێکەوتووانی کارەساتە سرووشتییەکانی کوردستانی نەکردووە.

زانیاریی زیاتر: ئەمەش لەكاتێكدا؛ بەپێی دەستوور و یاسای بودجە، پێویستە سەرجەم ناوچە زیانلێكەوتووەكانی عێراق و هەرێمی كوردستان لەكاتی كارەساتە سروشتییەكان، لە بودجەی لەناکاو، قەرەبوو بكرێنەوە. جگە لەوەش، بەشێکی قەزای شێخان لەڕووی کارگێڕییەوە سەر بە حکومەتی فیدڕاڵە، بەڵام هیچ هەڵوێستێکیان نەبووە.