پەرلەمانی عێراق پەیڕەوی ناوخۆیی هەموار دەکاتەوە

ئاڤا نیوز

پەرلەمانی عێراق لەکۆبوونەوەی ئەمڕۆیدا ژمارەی لیژنە هەمیشەییەکان و دابەشكردنی پەرلەمانتارانی بەسەر لیژنەکاندا بۆ یەکلایینەکرایەوە، بۆیە بڕیاریدا لیژنەیەک بەسەرۆکایەتی جێگری یەکەمی سەرۆکی پەرلەمان بۆ هەموارکردنەوەی پەیڕەوی ناوخۆی پەرلەمان پێکبهێنێت.

ڕاگەیێنراوی فەرمی: نووسینگەی ڕاگەیاندنی پەرلەمانی عێراق ڕاگەیێنراوێکی بڵاوکردەوە و ڕایگەیاند: پەرلەمانی عێراق لە کۆبوونەوەی ئەمڕۆیدا بڕیاری پێکهێنانی لیژنەیەکی بۆ هەموارکردنەوەی پەیڕەوی ناوخۆیی پێکهێنا. ئاماژەی بەوەشكردووە، لیژنەکە لەلایەن عەدنان فەیحان، جێگری یەکەمی سەرۆکی پەرلەمانەوە سەرۆکایەتی دەکرێت، دواتریش دانیشتنەکە هەڵگیرا.

زانیاریی زیاتر: دابەشکردنی پەرلەمانتاران بۆسەر لیژنەکانی پەرلەمانی عێراق، بۆ سەر دوو لیژنەی 'ئەلف و با'، دابەشکرا بەڵام ئەمڕۆ نەتوانرا پەرلەمانتاران بەسەر ئەو دوو لیژنەیە دابەش بکرێن.

بۆچی گرنگە: یەکلاکردنەوەی دۆسیەی لیژنەکان بە یەکێک لە هەنگاوە هەرە گرنگەکان دادەنرێت بۆ دەستپێکردنی کارەکانی پەرلەمان، چونکە لیژنەکان گرنگییەکی یەکجار زۆریان لە پڕۆسەی یاسادانان و چاودێریکردنی دامەزراوەکانی حکومەت هەیە.