لە سلێمانی  80 کەس بەهۆی ڕاوە ماسییەوە دەستگیر کراون

ئاڤا نیوز

 

بەڕێوەبەرایەتی پۆلیس و دارستانی سلێمانی دەڵێت، لەماوەی زیاتر لە سێ مانگدا 80 کەس لەسەر ڕاوکردنی ماسی دەستگیرکراون و لە ئەمڕۆوە ئەو قەدەغەیە هەبووە کۆتایی هات.

 

وێنە گەورەکە: ساڵانە بۆ ڕێگری لە دروستبوونی مەترسی لەسەر گەرادانانی ماسی، لە سەرەتای مانگی ئادار قەدەغەی ڕاوە ماسی بۆ ماوەی زیاتر لە سێ مانگ ڕادەگەیەنرێت.

 

ڕاگەیێنراوی فەرمی: بەڕێوەبەرایەتی پۆلیسی دارستان و ژینگەی سلێمانی ئەمڕۆ پێنجشەممە، 20-6-2024, لەگەڵ کۆتایی هاتنی قەدەغەی ڕاوە ماسی ئاماری سێ مانگ و 15 ڕۆژی ڕابردووی ڕاگەیاند، بەگوێرەی ئامارەکە 80 کەس لەسەر ڕاوە ماسی دەستگیرکراون و دەستگیراوە بەسەر 674 تۆڕی ماسی و سێ کلاشینکۆف و نیو کیلۆ ژەهر و شەش ئۆتۆمبێل.

 

زانیاری زیاتر:  ڕاوی ماسی بە ژەهر، تەقەمەنی و کارەبا بە هەموو جۆرێک قەدەغەیە و ئەوانەی ئەنجامی بدەن ڕووبەڕووی یاسا دەکرێنەوە.

 

باکگراوند: ئەمساڵ لەڕۆژی 5-3-2024 قەدەغەی ڕاوی ماسی ڕاگەیێنرا و بڕیار بوو تا 15ی حوزەیران بەردەوام بێت، بەڵام ئەم بڕیارە پێنج ڕۆژی دیکە درێژکرایەوە.