ئاگادارییەک لە وەزارەتی ئەوقافەوە بۆ حاجییان

ئاڤا نیوز

وەزارەتی ئەوقاف ڕەزامەندی وەردەگرێت ئەو حاجییانەی بە ڤیزای ساڵ سەردانی سعودیەیان کردووە بە پاسی تایبەت بگەڕێنەوە.

وێنە  گەورەکە: لەپاڵ چوار هەزار و 685 حاجی کە بەشێوەیەکی یاسایی چوونەتە حەج، ئەمساڵ هەزاران کەس بە ڤیزای ساڵ و ڤیزای گەشتیاری بۆ حەج چوونەتە سعودیە، هەر لە سەرەتای پرۆسەکەەوە تووشی ئاستەنگی جۆراوجۆر بوونە. 

بۆچی گرنگە: سەدان حاجی گیریان خواردووە و ناتوانن بەئاسانی بگەڕێنەوە، بەم هەوڵەی حکومەت ڕێگەی گەڕانەوەیان ئاسان دەبێت.

ڕاگەیێنراوی فەرمی: وەزارەتی ئەوقاف و کاروباری ئایینی ڕایدەگەیێنێت، دوای هەوڵ و تێکۆشان ڕەزامەندییان وەرگرتووە ئەو حاجییانەی بە ڕێگای ڤیزای ساڵ چوونەتە سعودیە و گیریان خواردووە لە مەرزی عەرعەر، بگەڕێنەوە هەرێمی کوردستان.

زانیاریی زیاتر: وەزارەتی ئەوقاف داوا لە حاجییانی گیرخواردوو دەکات پەیوەندی بەو کۆمپانیایانەوە بکەن کە لەڕێگەیانەوە گەشتیان کردووە بۆ ئەوەی پاسیان بۆ دابین بکەن.