داوایەک لە وەزارەتی پەروەردەوە بۆ قوتابییانی پۆلی 12ـی ئامادەیی

ئاڤا نیوز 

 

بڕیارە سبەی تاقیکردنەوەی پۆلی 12ی ئامادەیی دەستپێبکات و بەڕێوەبەری ئەزموونەکان لەبارەی ناوی قوتابییان داوایەکی هەیە و دەڵێت، ساڵانە ئەو گرفتە دووبارە دەبێتەوە.

 

وێنە گەورەکە: تاقیکردنەوەکانی پۆلی 12ـی ئامادەیی بە هەموو بەشەکانییەوە سبەی یەکشەممە 23-06-2024 دەستپێدەکات.

 

لێدوانی فەرمی: نوردەین عوسمان، بەڕێوەبەری گشتیی ئەزموونەکان بە ئاڤا نیوزی ڕاگەیاند: داوا لە قوتابییان دەکەم ئەوانەی شوێنی خۆیان نەدۆزیوەتەوە، تاوەکو کات ماوە ناوی خۆیان لەڕێگەی ئەو لینکەی بڵاوکراوەتەوە بدۆزنەوە، چونکە هەر قوتابییەک شوێنی بۆ دیاری کراوە و لەسەر پرسیاری تاقیکردنەوە ناوی قوتابییەکە هەیە، هەر قوتابییەک نەچێتە شوێنی دیاریکراوی خۆی ناتوانێت لەشوێنی دیکە بەشداری تاقیکردنەوە بکات.

 

ئەوەی پێویستە بیزانیت: وەزارەتی پەروەردە ڕۆژی 06-06 لینکی ناو و شوێنی قوتابییانی پۆلی 12ـی بڵاوکردەوە، ئەو قوتابییانەی تاوەکو ئێستا نەیانتوانیوە شوێنی تاقیکردنەوەیان بدۆزنەوە دەتوانن لەم لینکەوە ناو و شوێنی تاقیکردنەوە بدۆزنەوە.