لە کەرکووک بۆرییەکی گواستنەوەی نەوت شکاوە

ئاڤا دیجیتاڵ

 

بۆریێکی نەوت لە گەڕەکی ڕەحیماوەی شاری کەرکووک لە شەوی ڕابردووەوە شکاوە، بووەتە هۆی وەستانی گواستنەوەی نەوت لە ڕێگەی بۆرییەکە.

 

چیرۆکە سەرەکییەکە: لە شەوی ڕابردووەوە لە گەڕەکێکی کەرکووک بۆریێکی گواستنەوەی نەوت شکاوە، ئەمڕۆ تیمەکانی کۆمپانیای نەوت گەیشتنە ئەو شوێنە و کۆنترۆڵی لێچوونی بۆرییەکەیان کرد، بەڵام تاوەکو ئامادەکردنی ئەم هەواڵە [کاتژمێر 01:14 خولەک] گواستنەوەی نەوت لە ڕێگەی ئەم بۆرییەوە وەستاوە. 

 

زانیاریی تایبەت: شکانی بۆرییەکە پەیوەندی بە کاری تیرۆرستیەوە نییە، بەڵکو هۆکارەکەی دەگەڕێتەوە بۆ کۆنی بۆرییەکە.

 

ئەوەی پێویستە بیزانیت: ئەم بۆرییەی گەڕەکی ڕەحیماوەی کەرکووک کە شکاوە نەوتی خام لە کێڵگەی نەوتی جەبەل بۆر بۆ کۆمپانیای نەوتی باکوور دەگوازێتەوە.