سزای لە سێدارەدان بەسەر بەندکراوێکی سیاسیی کورد دەسەپێنرێت

ئاڤا نیوز

دەزگای دادوەریی ئێران بە تۆمەتی دژایەتی حکومەت، سزای لە سێدارەدانی بەسەر بەندکراوێکی کورد دا سەپاند.

ڕاگەیێنراوی فەرمی: ڕێکخراوی هەنگاو بۆ مافەکانی مرۆڤ بڵاویکردەوە: پەخشان عەزیزی، ژنە ڕۆژنامەنووس و بەندکراوێکی سیاسیی کوردە لە بەندیخانەی ئێڤێنە و لەلایەن دەزگای دادوەریی ئێرانەوە بە تۆمەتی ئەندامێتی لە گرووپی دژ بە حکومەت و  ئەندامێتی لە "پژاک" سزایی سێدارەدان و چوار ساڵ زیندانی بەسەردا سەپێنراوە.

زانیاریی زیاتر: ئەو بەندکراوە کوردە خەڵکی مەهابادە و دوێنێ سێشەممە لەلایەن دادگەوە، پارێزەرەکانی ئاگەدارکراونەتەوە لەوەی سزای لەسێدارەدانی بۆ دەرکراوە.

ئەوەی پێویستە بیزانیت: پەخشان عەزیزی، لە ڕۆژی 13ـی ئابی ساڵی ڕابردوو، لە شارۆچکەی خەرازیی شاری تاران لەلایەن هێزە ئەمنییەکانی ئێرانەوە دەستبەسەر کرابوو. 

لە لایەکی دیکەوە: هەر دوێنێ ڕێکخراوی هەنگاو بڵاویکردەوە، حەوت بەندکراو کە هاووڵاتیی کوردیشی تێدابوون، لەلایەن ئێرانەوە لە سێدارە دراون.