حەج و عومرەی كوردستان: ئەمساڵ لەڕێگەی وشكانییەوە حەج ناكرێت

ئاڤا نیوز

وتەبێژی حەج و عومرەی کوردستان دەڵێت، ئەمساڵ حەج لەڕێگەی وشکانییەوە ناکرێت. دەشڵێت تێچووی بەجێگەیاندنی فەریزەی حەج ئەمساڵ بۆ هەر حەجخوازێک حەوت ملیۆن و 100 هەزار دینار دەبێت.

 

وێنە گەورەکە: ساڵی داهاتوو پێنج هەزار و 150 کەس لە هەرێمی کوردستان فەریزەی حەج بەجێدەگەیێنن، حەجخوازان لەڕێگەی کۆمپانیاکانەوە بلیتی فڕۆکە، گواستنەوە بۆ حەج، هوتێل، خواردن و ڕێبەرییان بۆ دابین دەکرێت.

 

لێدوانی فەرمی: کاروان ستوونی، وتەبێژی حەج و عومرەی کوردستان بە ئاڤای گوت، ئه‌مساڵ زیاتر له‌ 157 كۆمپانیا ناویان له‌ [ده‌روازه‌ی حه‌ج] به‌ شێوه‌ی ئه‌لیكترۆنی تۆماركردبوو و دوای تاقیكردنه‌وه‌ و هه‌ڵسه‌نگاندن بۆ وه‌رزی حه‌جی داهاتوو نزیكه‌ی 110 كۆمپانیا به‌شداریی پرۆسه‌ی حه‌ج ده‌كه‌ن به‌ به‌مه‌به‌ستی هاوه‌ڵیكردنی حاجیان له‌ وه‌رزی حه‌جی 2026.

 

زانیاریی زیاتر: بەگوتەی کاروان ستوونی، ئەمساڵ حەج لەڕێگەی وشکانییەوە ناکرێت، سەرجەم گەشتەکان لەڕێگەی ئاسمانییەوە دەبێت، تێچووی هەر حەجخوازێک حەوت ملیۆن و 100 هەزار دینارە.