تورکیا داوا دەکات پارێزگاری کەرکووک بە دەوری بێ

ئاڤا دیجیتاڵ

 

وەزیری دەرەوەی تورکیا پێشنیاز دەکات پارێزگاری داهاتووی کەرکووک بە دەوری بێ لە نێوان پێکهاتەکانی شارەکە.

 

چیرۆکی سەرەکی:  تورکیا نیگەرانە لە ئەنجامی هەڵبژاردنەکانی ئەنجوومەنی پارێزگای کەرکووک و،  وەک پشتیوانییەک بۆ پێکهاتەی تورکمانی داوا دەکات مەسەلەی پارێزگار لەسەر بنەمای ژمارەی کورسی نەبێ.

 

لە کوێ گوتراوە: هاکان فیدان، وەزیری دەرەوەی تورکیا  لە ئەنکەرە لە ڕۆژی 2ی کانوونی دووەم پێشوازی لە شاندێکی بەرەی تورکمانی کردووە و پێشنیازەکەی باس کردووە، هەروەها هەمان پێشنیازی بۆ کۆمەڵێک رۆژنامەنووس دووپاتکردووەتەوە کە یەکێ لە بەشداربووەکان بۆ ئاڤا نیوزی گێڕایەوە.

 

چی روودەدات: بەهۆی ناکۆکییەکانی نێوان پارتی و یەکێتی لە لایەک و تورکمان و عەرەبەکان لە لایەک ئەنجوومەنی پارێزگای کەرکووک ناتوانێ کۆبوونەوە بکات.

 

زانیاری تایبەت: پارتی بە یەکێتی ڕاگەیاندووە دەبێ پارێزگاری داهاتوو کوردێکی حیزبی نەبێ و یەکێتیش ڕازی نییە.

 

ژمارەکان: بەپێی ئەنجامەکانی هەڵبژاردنی پارێزگاکان لە 18ی دیسمبەری 2023 لە کەرکووک:  یەکێتی 5 کورسی هاوپەیمانی عەرەبی 3 کورسی، بەرەی تورکمانی 2، کورسی پارتی 2 کورسی، قیادە 2 کورسی، عروبة 1 کورسی و مەسیحی 1 کورسی.