بە دەیان هەزار هاووڵاتیی پاکستانی لە عێراق بێ سەروشوێنن

ئاڤا نیوز 

نزیکەی 50 هەزار هاووڵاتیی پاکستانی هاتوونەتە عێراق بۆ کارکردن بێ ئەوەی مۆڵەتی فەرمییان هەبێت، حکومەتی عێراقیش دەڵێت "بەدوایاندا دەگەڕێین و لێکۆڵینەوە دەکەین".

وێنە گەورەکە: زیاتر لە یەک ملیۆن کرێکاری بیانی لە عێراق کاردەکەن، زۆربەیان بێ مۆڵەتن، لە ماوەی بەڕێوەچوونی مەراسیمەکانی عاشوورا ژمارەیەکی زۆری بیانی شیعە مەزهەب ڕوو لە عێراق دەکەن بۆ بەشداری لەو مەراسیمانە و لەوانەش ژمارەیەک زۆر لە هاووڵاتی پاکستانی هاتوون و نەگەڕاونەتەوە.

ڕاگەیێنراوی فەرمی: ئەحمەد ئەسەدی، وەزیری کار و کاروباری کۆمەڵایەتیی عێراق ڕایگەیاند: "دەنگۆی دزەکردنی نزیکەی 50 هەزار هاووڵاتی پاکستانی  بۆ کارکردن بە شێوەیەکی نایاسایی لە عێراق، جێگەی سەرنجی ئێمە دەبێت و پشتڕاست دەکرێنەوە بۆ گرتنەبەری ڕێوشوێنی یاسایی گونجاو".

لە لایەکی دیکەوە: "50 هەزار هاووڵاتیمان دوای گەیشتنیان بۆ عێراق بۆ بەشداریکردن لە مەڕاسیمە ئایینییەکان بێسەروشوێن بوونە". چودری سالیک، وەزیری کاروباری ئایینیی پاکستانی وای ڕاگەیاندووە.