دژە تیرۆر: ئامادەین بۆ ئۆپەراسیۆنی دەرەوەی سنوور

ئاڤا نیوز 

سەرۆکی دەستەی دژە تیرۆری عێراق ڕایگەیاند، دەستەکە ئامادەی هەر ئەرکێکی سەربازییە لە دەرەوەی سنووری عێراق.

وێنە گەورەکە: لە ڕۆژانی ڕابردوودا هەواڵی ئەوە بڵاوبووەوە، هەسەدە ژمارەیەک  زیندانیی کەسوکاری داعشی ئازاد کردووە، باس لەوەشدەکرێت زۆربەیان ئەندام و سەرکردەی داعش بوون و مەترسیی دزەکردنیان بۆ نێو خاکی عێراق هەیە، هێزە ئەمنییەکانی عێراقیش لە ئامادەباشیدان.

لێدوانی فەرمی: عەبدولکەریم عەبود، سەرۆکی دەستەی دژە تیرۆری عێراق ڕایگەیاند: "دەستەکە توانا و هێزی تەواوی هەیە و گەیشتووە ئەوپەڕی ئامادەباشی دەروونی و جەستەیی و ئامادەین بۆ هەر ئۆپەراسیۆنێک لە دەرەوەی سنوور لە کاتێکدا ئەگەر سەرکردەی گشتیی هێزە چەکدارەکان فەرمان بکات".