ژمارەیەکی دیکەی ئەندامانی "قوربانییەکان" دەستگیر دەکرێن

ئاڤا نیوز 

لە پارێزگای میسان ژمارەیەک ئەندامی گرووپی "قوربانییەکان" کە گرووپێکی توندڕەوی ئایینیی شیعە مەزهەبن دەستگیرکران.

وێنە گەورەکە: هێزە ئەمنییەکانی پارێزگای میسان لە باشووری عێراق ژمارەیەک ئەندامی گرووپی "قوربانییەکان" یاخود "عەلاهییەکان"ی دەستگیرکرد کە گرووپێکی توندڕەو و قەدەغەکراوە.

ڕاگەیێنراوی فەرمی: لەفتە فاخر محەممەداوی، سەرۆکی پۆلیسی میسان، دەستگیرکردنی 10 ئەندامی گرووپی قوربانییەکان ڕاگەیاند.

زانیاریی زیاتر: لەفتە محەممەداوی دەڵێت: گرووپەکە ئیمامی عەلی دەپەرستن و ناوەناوە تیروپشک بۆ خۆ کردنە قوربانی دەکەن.

ئەوەی پێویستە بیزانیت: گرووپی "قوربانییەکان" یان "عەلاهییە" گرووپێکی تووندڕەون و ڕیوەڕەسمی نامۆ دەکەن و "باوەڕیان بە خودابوونی ئیمامی عەلی هەیە و بەتیروپشک ئەندامانی خۆیان هەڵدەبژێرن بۆ خۆکوشتن گوایە قوربانییە بۆ خودا".