دەستەی دەستپاکی: یەکێک لە گەورە تۆمەتبارەکانی "دزیی سەدە"مان ڕادەستکرا

ئاڤا نیوز  

دەستەی دەستپاکیی عێراق وەرگرتنی یەکێک لە باڵاترین تۆمەتبارەکانی ڕاگەیاند، کە تۆمەتبارە بە دزینی پارەی دانراوی باج، هاوکات ستایشی هاوکاری وەزیرانی ناوخۆی فیدراڵی و هەرێمی کوردستانیش دەکات.

ڕاگەیێنراوی فەرمی: فەرمانگەی وەرگرتن لە دەستەی دەستپاکی یەکێک لە باڵاترین تۆمەتبارانی ڕادەستکرا کە تۆمەتبارە بە دزینی پارەی پێشەکی باج، کە بەپێی بڕگەکانی مادەی 444/11 لە یاسای سزادانی عێراقی داواکراو بوو.

زانیاریی زیاتر: لە مانگی ئازاری ساڵی 2023، دەسەڵاتی دادوەری عێراق فەرمانی دەستگیرکردنی بۆ چوار بەرپرسی باڵای حکومەتی پێشوو بە سەرۆکایەتی مستەفا کازمی دەرکرد، بە تۆمەتی "ئاسانکاریکردن بۆ دەستبەسەرداگرتنی" 2.5 ملیار دۆلار لە سامانی گشتی لە یەکێک لە گەورەترین سکانداڵەکانی گەندەڵی دارایی لە وڵاتەکەدا .

ئەوەی پێویستە بیزانیت: ئەم دۆسیەیە، کە بە "دزیی سەدە" ناسرا، لە ئۆکتۆبەری 2022 ئاشکرا بوو، توڕەیی و ناڕەزایی تووندی جەماوەری لە عێراقدا بەدوای خۆیدا هێنا کە بەرپرسانی پێشوو و بازرگانانی دیار تێوەگلاوبوون.