نوێنەری ئەمریكا لە ئەنجوومەنی ئاسایش: ئیسرائیل بەرگریی لەخۆی دەكات

ئاڤا نیوز

ئەنجوومەنی ئاسایش لە بارەی ئاڵۆزییەکانی ڕۆژهەڵاتی ناوەڕاست و کوژرانی هەنییەوە کۆبووەوە، ئێران و ڕووسیا و چین و وڵاتانی عەرەبی سەرکۆنەی هێرشەکە دەکەن و ئەمریکا بەرگریی لە ئیسرائیل دەکات.

وێنە گەورەکە: دوای ئەوەی سوپای ئیسرائیل کوژرانی ئیسماعیل هەنییەی لە تاران ڕاگەیاند، کاردانەوەکان بەڕادەیەکی بەرچاو زیاتر بوون و ئەگەری بەرفراوانبوونی پێکدادانەکان لە ناوچەکەدا هەیە.

ئەوەی ئێستا ڕوودەدات: لە نیویۆرک ئەنجوومەنی ئاسایش لە کۆبوونەوەدایە و گفتوگۆ لەسەر دۆخی ئێستای ئاڵۆزییەکانی ڕۆژهەڵاتی ناوەڕاست دەکات.

ئەمەش بزانە: وڵاتە هاوکارو هاولایەنەکانی ئێران دژی ئیسرائیل وەستانەوە و سەرکۆنەی هێرشەکەیان کرد و وڵاتانی پشتیوانی ئیسرائیلیش بەرگریی لە ئیسرائیل دەکەن.

بۆچوونی لایەنەکان: هەریەکە لە ڕووسیا و چین و ئێران و چەند وڵاتێکی عەرەبی، سەرکۆنەی هێرشەکەی تاران دەکەن وهەریەکە لە ئەمریکا و فەڕەنسا و بەرگریی لە ئیسرائیل دەکەن و داوا دەکەن ئیسرائیل بپارێزرێت.