ئەنجوومەنی سیاسیی نیشتمانی داوای دیاریکردنی یەکەم دانیشتنی پەرلەمان دەکات

ئاڤا نیوز

ئەنجوومەنی سیاسیی نیشتمانیی سوننە داوا لە سەرۆککۆماری عێراق دەکات، یەکەم دانیشتنی پەرلەمان بۆ هەڵبژاردنی سەرۆک و جێگرەکانی پێش 2025-12-25 بێت.

چیرۆکی سەرەکی: ئەنجوومەنی سیاسیی نیشتمانیی سوننە، کە لایەنە سوننییە براوەکانی هەڵبژاردنەکانی لەخۆگرتووە، لە کۆبوونەوەی ئەمڕۆیدا لە بەغدا، پیرۆزبایی پەسەندکردنی ئەنجامەکانی هەڵبژاردنەکانی لەلایەن دادگای فیدراڵییەوە کرد.

ڕاگەیێنراوی فەرمی: ئەنجوومەنەکە لە ڕاگەیێنراوێکدا، جەختی لە گرنگیی بەردەوامبوونی پەیوەندی لەگەڵ هاوبەشە سیاسییەکان کردەوە بۆ پەلەکردن لە پێکهێنانی حکومەتێکی نوێ، کە بتوانێت داخوازیی شەقامی عێراقی جێبەجێ بکات.

پلانەکە: ئەنجوومەنی سیاسیی نیشتمانی پێشنیازی کردووە، دانیشتنی یەکەمی پەرلەمان بۆ هەڵبژاردنی سەرۆک و جێگرەکانی پێش 2025-12-25 بێت، بەپێی ماددەی 54ـی دەستوور.

باکگراوند: دادگای باڵای فیدراڵیی عێراق ئەمڕۆ ئەنجامە کۆتاییەکانی هەڵبژاردنەکانی ئەنجوومەنی نوێنەرانی پەسەند کرد. دەستووری عێراق وادەیەکی دیاریکردووە بۆ پێکهێنانی دامەزراوەکان دوای پەسەندکردنی ئەنجامەکان، کە سەرەتا بانگهێشتی پەرلەمان دەکرێت بۆ کۆبوونەوە لە ماوەی 15 ڕۆژدا، پاشان هەڵبژاردنی سەرۆککۆمار لە ماوەی 30 ڕۆژدا و ڕاسپاردنی سەرۆکوەزیران بۆ پێکهێنانی حکومەت.