مەسرور بارزانی: 2025 ساڵی سەركەوتنی چاكسازییەكانی حكومەت بوو

ئاڤا نیوز

سەرۆكوەزیران مەسرور بارزانی، لە كۆبوونەوەی لەگەڵ باڵیۆز و كونسوڵی گشتی و نێردەی وڵاتان و ئاژانسە جیهانییەكان ڕایگەیاند، ساڵی 2025، ساڵی سەركەوتنی چاكسازییەكانی حكومەتی هەرێمی كوردستان و بەدەستهێنانی چەندین دەسكەوت بوو.

چیرۆكی سەرەكی: ئێوارەی ئەمڕۆ، مەسرور بارزانی، سەرۆكوەزیرانی هەرێمی كوردستان، پێشوازیی كرد لە باڵیۆز و کونسوڵی گشتی و نێردە و دیپلۆماتكارانی وڵاتان و نوێنەری ئاژانسەکانی نەتەوە یەکگرتووەکان لە هەرێمی کوردستان کرد.

لێدوانی فەرمی: مەسرور بارزانی لەمیانی كۆبوونەوەكە وتارێكی پێشكەشكرد و ڕایگەیاند، 2025 ساڵی سەرکەوتنی چاکسازییەکانی حکومەتی کوردستان و بەدەستهێێنانی چەندین دەستکەوت بووە، بەڵام بە داخەوە لەم ڕۆژانە کارەساتی سرووشتی ڕووداوی لافاویش لە چەند ناوچەیەکی کوردستان بە تایبەتی چەمچەماڵ ڕوویدا.

گۆشەیەكی دیكەی دیمەنەكە: سەرۆکوەزیران تیشکی خستەسەر دوایین گۆڕانکاری و پێشهاتەکانی دۆخی گشتیی عێراق و هەرێمی کوردستان و هەوڵ و گفتوگۆکانی پێکهێنانی کابینەی نوێی عێراق و حکومەتی هەرێمی کوردستان، هاوكات پیرۆزبایی جەژنەكانی لەدایكبوون و ساڵی نوێی لە باڵیۆزان و كونسوڵی گشتی و نێردەی وڵاتان كرد و هیوای خواست ساڵی نوێ، ساڵی خۆشی و شادی و ئاشتی و ئارامی بێت بۆ هەرێمی کوردستان و جیهان.