کارەبای گەڕەکێکی دیکەی هەولێر دەکرێتە 24 کاتژمێری

ئاڤا نیوز

 

پڕۆژەی ئەزموونی کارەبای 24 کاتژمێری لە گەڕەکەکانی هەولێر بەردەوامە و دوای گەڕەکی شادی لە هەولێر، کارەبای گەڕەکی 108ـی عەنکاوە دەکرێتە 24 کاتژمێری. 

 

وێنە گەورەکە: 11 ڕۆژ دوای ئەوەی کارەبای گەڕەکی شادی لە باشووری ڕۆژئاوای شاری هەولێر کرایە 24 کاتژمێری، وەزارەتی کارەبا هەنگاوەکانی چڕکردووەتەوە بۆ ئەوەی لە چەند گەڕەکێکی دیکەش بۆ ماوەی سێ مانگ وەک تێست کارەبا بکرێتە 24 کاتژمێری.

 

زانیاریی تایبەت: سەرچاوەیەک لە وەزارەتی کارەبای هەرێمی کوردستان بە ئاڤا نیوزی ڕاگەیاند: "لیژنەی جێبەجێکردنەکە سەرەتا دڵنیایی وەردەگرێت بۆ گواستنەوەی زانیاری لە پێوەری زیرەکی ئەو ناوچەیەوە بۆ ناوەندەکان، سەبارەت بە ڕێژەی بەکارهێنانی کارەبا".

 

زانیاریی پەیامنێر: عوبێد بەشار، پەیامنێری ئاڤا نیوز لە هەولێر گوتی: "وەزارەتی کارەبا لە ماوەی  سێ مانگدا چاودێری ڕێژەی بەکارهێنانی کارەبا لەلایەن هاونیشتمانیان دەکات، ئەگەر لەڕووی دابینکردنی کارەبای 24 کاتژمێری و نرخ گونجاو بوو، ئەوا لە تەواوی هەرێمی کوردستان جێبەجێ دەکرێت."