مەزڵووم عەبدی و ئیلهام ئەحمەد بەشداری لە کۆنفرانسی ئاسایشی میونشن لە ئەڵمانیا دەکەن

ئاڤا نیوز

مەزڵووم عەبدی، فەرماندەی گشتیی هەسەدە، لەگەڵ ئیلهام ئەحمەد، بەڕێوەبەری پەیوەندییەکانی دەرەوەی ئیدارەی خۆسەر، بەرەو میونشن لە ئەڵمانیا بەڕێکەوتوون بۆ بەشداریکردن لە کۆنفرانسی ئاسایشی میونشن. 

وێنە گەورەکە: کۆنفرانسی ئاسایشی میونشن ئەمڕۆ هەینی دەست پێ دەکات، تاوەکو ڕۆژی یەکشەممە 15-02-2026 بەردەوام دەبێت، تێیدا دەیان سەرۆک و سەرکردەی وڵاتانی جیهان بەشدار دەبن، لەبارەی پرسە گرنگ و چارەنووسەکان لەسەر ئاستی جیهان گفتوگۆ دەکرێت، گۆڕانکارییەکانی سووریا و ڕۆژئاوای کوردستان بەشێکی کۆنفرانسەکە دەبن.

زانیاریی ئاڤا: سەرچاوەیەک لە ئیدارەی خۆسەر بە ئاڤای ڕاگەیاند، مەزڵووم عەبدی، فەرماندەی گشتیی هەسەدە، لەگەڵ ئیلهام ئەحمەد، بەڕێوەبەری پەیوەندییەکانی دەرەوەی ئیدارەی خۆسەر، بەرەو میونشن لە ئەڵمانیا بەڕێکەوتوون بۆ بەشداریکردن لە کۆنفرانسی ئاسایشی میونشن. 

ئەمەش بزانە: ئەمە لە کاتێکدایە کە لە کۆتاییەکانی مانگی ڕابردوو، هەسەدە و حکومەتی دیمەشق ڕێککەوتنامەیەکیان واژۆ کرد، بەپێی ڕێککەوتنەکە هێزەکانی ناوخۆی سووریا دەچنە نێو شارەکانی ڕۆژئاوای کوردستان و هێزەکانی هەسەدەش لە چوارچێوەی لیوا کۆدەکرێنەوە.

زانیاریی زیاتر: كۆنفرانسی ئاسایشی میونشن ساڵانه‌ به‌ به‌شداریی ژماره‌یه‌كی زۆر له‌ سه‌رکرده‌ و به‌رپرسانی باڵای وڵاتان به‌ڕێوه‌ده‌چێت، ده‌رفه‌تێكه‌‌ بۆ گۆڕینه‌وه‌ی بیروڕا ده‌رباره‌ی پرسی ئاسایش، سه‌قامگیری و كێشه‌ جیهانییه‌كان.